Нууцлалын бодлого

01Бид ямар мэдээлэл цуглуулдаг

Үйлчилгээг ажиллуулахад шаардлагатай хэмжээний мэдээллийг л цуглуулна. Бүртгэлгүй үйлчлүүлэгч цэсийг үзэхэд хувийн мэдээлэл шаардахгүй.

• Бүртгэлийн мэдээлэл: бизнесийн нэр, имэйл, утасны дугаар, нэвтрэх нэр.
• Та өөрөө оруулсан агуулга: цэс, хоолны нэр, үнэ, зураг, видео, холбоо барих мэдээлэл.
• Төлбөрийн мэдээлэл: багц, төлбөрийн хугацаа, гүйлгээний дугаар. Картын дугаарыг бид хадгалдаггүй.
• Техникийн мэдээлэл: төхөөрөмжийн төрөл, хөтөч, IP хаяг, QR уншилт, цэсний үзэлтийн тоо.
• Захиалгын мэдээлэл: зочны нэр, утас, хүргэлтийн хаяг — зөвхөн тухайн захиалгыг биелүүлэх зорилгоор, бизнес эзэмшигчид харуулна.

02Мэдээллийг юунд ашигладаг

Цуглуулсан мэдээллийг зөвхөн дараах зорилгоор ашиглана.

• Цэс, QR код, нэрийн хуудсыг үүсгэх, харуулах, шинэчлэх.
• Захиалга хүлээн авах, мэдэгдэл хүргэх.
• Хандалт, QR уншилтын тайланг танд харуулах.
• Төлбөр тооцоо, багцын хугацааг хянах.
• Дэмжлэг үзүүлэх, гомдол шийдвэрлэх.
• Үйлчилгээний аюулгүй байдлыг хангах, хууль бус хэрэглээг илрүүлэх.

03Юу хийдэггүй

Таны мэдээллийг зар сурталчилгааны зорилгоор гуравдагч талд зардаггүй, бартаалдаггүй. Хууль хяналтын байгууллагын албан бичиг, шүүхийн шийдвэрээс бусад тохиолдолд гадны талд гаргаж өгөхгүй.

04Күүки ба тоолуур

Нэвтрэлтийг санах, сонголтыг хадгалах, хандалтыг тоолоход күүки хэрэглэнэ. Хөтчийн тохиргоогоор күүкиг хязгаарлаж болох ч нэвтрэх зэрэг үйлдэл ажиллахгүй болохыг анхаараарай.

05Гуравдагч талын үйлчилгээ

Тодорхой чиг үүргийг гүйцэтгэхийн тулд дараах төрлийн үйлчилгээ үзүүлэгчидтэй хамтран ажиллана. Тэдэнд зөвхөн шаардлагатай хэмжээний мэдээлэл дамжуулна.

• Төлбөрийн үйлчилгээ (QPay) — багцын төлбөр хүлээн авах.
• Сервер, өгөгдөл хадгалах үйлчилгээ — агуулга, зураг хадгалах.
• Мэдэгдэл хүргэх үйлчилгээ — апп дээрх мэдэгдэл, имэйл.
• Хандалтын тоолуур — тайлан гаргах.

06Хадгалалт ба аюулгүй байдал

Бүх холболт SSL шифрлэлттэй байна. Өгөгдөл хамгаалалттай сервер дээр хадгалагдаж, тогтмол нөөцлөгдөнө. Нэвтрэх эрхийг зөвхөн хариуцсан ажилтан авна.

Та бүртгэлээ хамгаалахын тулд хүчтэй нэвтрэх код хэрэглэж, бусадтай хуваалцахгүй байхыг зөвлөж байна.

07Мэдээллийг хэдий хугацаанд хадгалах

Бүртгэл идэвхтэй байх хугацаанд агуулгыг хадгална. Багцын хугацаа дуусахад цэс идэвхгүй болох ч мэдээлэл устахгүй. Бүртгэлээ устгах хүсэлт гаргавал 30 хоногийн дотор бүрэн устгана. Нягтлан бодох, татварын шаардлагаар гүйлгээний бүртгэлийг хуулийн хугацаанд хадгалж болно.

08Таны эрх

Та өөрийн мэдээлэлтэй холбоотой дараах эрхийг хэрэгжүүлэх боломжтой.

• Мэдээллээ харах, хуулбар авах.
• Буруу мэдээллийг залруулах.
• Бүртгэл болон агуулгаа устгуулах.
• Маркетингийн мэдэгдлээс татгалзах.

09Бодлогын өөрчлөлт

Бодлого шинэчлэгдвэл хуудасны шинэчилсэн огноог сольж, үндсэн өөрчлөлтийн талаар имэйлээр эсвэл удирдлагын самбараар дамжуулан танд мэдэгдэнэ.